Şəki-Zaqatala Regional Təhsil İdarəsinin müdiri Günay Mahmudovanın məktəb direktorları ilə keçirdiyi qrup görüşləri yekunlaşıb.
Ucnoqta.az xəbər verir ki, İdarənin inzibati binasında təşkil olunan iclaslarda Günay Mahmudova ilə yanaşı, müdir müavini Bəhruz Nəbili, struktur bölmə rəhbərləri və məktəb direktorları iştirak ediblər.
Görüşlərdə tədris keyfiyyətinin artırılması məqsədilə yeni hədəflər müəyyən edilib, IV və VI siniflər üzrə monitorinq qiymətləndirmələrinin nəticələri və IX-XI siniflərin buraxılış imtahanlarına hazırlıq məsələləri geniş müzakirə olunub. Eyni zamanda, bilbacar müsabiqəsinə qeydiyyat prosesi barədə məlumat verilib və müvafiq tövsiyələr təqdim edilib.
Monitorinq nəticələrinin təhlili əsasında fikir mübadiləsi aparılıb, qarşıda duran hədəflərə çatmaq üçün konkret tapşırıqlar verilib. Məktəb rəhbərlərinin sualları da ətraflı şəkildə cavablandırılıb.