Yəmən husiləri və İraq milisləri İsrailə üç dəfə zərbə endirib

Yəmənin üsyançı "Ənsar Allah" hərəkatının husiləri İraq İslami Müqaviməti ilə birlikdə son 48 saat ərzində İsrail ərazisinə üç zərbə endirib.

Ucnoqta.az xəbər verir ki, bu barədə husi silahlılarının sözçüsü Yəhya Sariya bildirib.

“Yəmən Silahlı Qüvvələri İraq İslami Müqaviməti ilə birlikdə son 48 saat ərzində İsrailə qarşı üç hərbi əməliyyat keçirib. Fələstinin şimalında İsrailin iki hədəfi məhv edilib.
Başqa bir əməliyyatda bir neçə pilotsuz təyyarə işğal olunmuş Fələstinin cənubundakı Umm ər-Rəşraş bölgəsində kritik bir yerə hücum edib”, – hərəkatın sözçüsü Husilərə məxsus Əl Məsirə telekanalında bildirib.