ABŞ hakimiyyəti “Rusiyaya xüsusi hərbi əməliyyatın keçirilməsində yardım etdiyi” iddia edilən 400-ə yaxın fiziki və hüquqi şəxsə qarşı sanksiyalar tətbiq edir.
Ucnoqta.az xəbər verir ki, bu barədə ABŞ dövlət katibi Entoni Blinkenin bəyanatında deyilir.
"Bu tədbirlər Rusiyanın hərbi səyləri üçün həyati əhəmiyyət kəsb edən bir sıra sektorları hədəf alır", – Blinken bildirib.
Onun sözlərinə görə, Dövlət Departamentinin məhdudiyyətləri bir çox üçüncü ölkələrin qurumlarının, Rusiya Müdafiə Nazirliyinin bir sıra yüksək rütbəli əməkdaşlarının, müdafiə şirkətlərinin və gələcəkdə Rusiyanın enerji təchizatının artırılmasını dəstəkləyənlərin sanksiyalardan yayınmasına qarşı yönəlib”.
ABŞ dövlət katibinin sözlərinə görə, sanksiyalar “Rusiya hərbi-sənaye bazasında ciddi çatışmazlığı dolduran ikili təyinatlı mallar tədarük edən bir neçə Çin şirkətlərinə” habelə Belarusun Rusiya Federasiyasının müdafiə sənayesinə dəstəyi ilə əlaqəli hüquqi və fiziki şəxslərə qarşı tətbiq edilir.
Blinkenin sözlərinə görə, ABŞ Xəzinədarlığı həmçinin üçüncü ölkələr vasitəsilə sanksiyalardan yayınma şəbəkəsinə, habelə Rusiya müdafiə sənayesi üçün vacib olan məhsulların rus istehsalçılarına və idxalçılarına qarşı sanksiyalar tətbiq edir.