Əsir və itkin düşmüş, girov götürülmüş vətəndaşlarla əlaqədar Dövlət Komissiyasında (Dövlət Komissiyası) təmsil olunan Azərbaycan Respublikasının Baş Prokurorluğu, Dövlət Təhlükəsizliyi Xidmətinin Hərbi-tibb baş idarəsi, Səhiyyə Nazirliyinin Məhkəmə-Tibbi Ekspertiza və Patoloji Anatomiya Birliyi, Azərbaycan Respublikasının Minatəmizləmə Agentliyi (ANAMA), AMEA-nın Arxeologiya və Antropologiya İnstitutunun mütəxəssis heyəti tərəfindən həyata keçirilmiş tədbirlər nəticəsində Birinci Qarabağ müharibəsində itkin düşmüş daha 20 nəfərin şəxsiyyəti müəyyən olunmuşdur.
Ucnoqta.az komissiyanın yaydığı məlumata əsasən xəbər verir ki, eyniləşdirmənin nəticələri ilə bağlı 25 iyun 2024-cü il tarixində Dövlət Komissiyasının İşçi qrupu tərəfindən itkin ailələri ilə görüş təşkil olunmuş, talelərinə aydınlıq gətirilmiş şəxslər barədə onlara ətraflı məlumat verilərək sualları cavablandırılmışdır.
Hazırda həmin şəxslərin dəfn mərasimlərinin təşkili ilə bağlı aidiyyəti dövlət qurumları ilə birlikdə zəruri işlər həyata keçirilir. Dəfn mərasimləri barədə ictimaiyyətə əlavə məlumat veriləcəkdir.
Aşkarlanmış meyit qalıqlarının eyniləşdirilməsi prosesində şəxsiyyətləri müəyyən olunmuş birinci Qarabağ müharibəsində itkin düşmüş
Azərbaycan Respublikasının vətəndaşlarının siyahısı aşağıdakı kimidir:
1. Nağıyev Zahid Baxış o. 01.01.1975
2. Vəliyev İbrahim Ələşrəf o. 01.06.1924
3. Qurbanov Aydın Əsədulla o. 12.01.1967
4. Abbasov Akif İlyas o. 01.07.1970
5. Kərimov Yaşar Ələkbər o. 12.04.1967
6. Baxışov İdris Osman o. 25.12.1973
7. Rəsulov Rəhim Əlyar o. 19.12.1967
8. Məmişov Şahin Talış o. 12.11.1959
9. Paşayev Ələddin Bəhlul o. 08.11.1961
10. Qarayev Usubəli Süleyman o. 01.06.1961
11. Şahmuradov Nemət Musa o. 26.12.1962
12. Usubov Zakir Kamran o. 10.12.1964
13. Əliyev Muğan Gəray o. 29.11.1958
14. Dadaşov Uğur Eldar o. 02.05.1975
15. Doluxanov Rəhim Məhkəmə o. 06.12.1958
16. Tağıyev Telman Tevon o. 20.02.1953
17. Abbasov Sərvər İldırım o. 10.11.1962
18. Məmmədov Ədalət Şahmar o. 31.05.1958
19. Mirzəyev Məmməd Hüseyn o. 05.11.1967
20. Mustafayev Qərib Həsrət o. 01.07.1962