Qurbanı iyunun 18-də kəsmək olar? –

Qurban bayramının iyunun 16 və 17-də keçirilməsi nəzərdə tutulsa da, insanlar qurbanlarını iyunun 18-də də kəsə bilər.

Ucnoqta.az bildirir ki, bu sözləri Axar.az-a açıqlamasında Qafqaz Müsəlmanlar İdarəsinin əməkdaşı Samid Quliyev deyib.

"Qurban bayramı ölkəmizdə 16 və 17 iyunda qeyd edilir və bu iki gündə qurbanlar kəsilməlidir. Ancaq Həcc ziyarətində qurbanların kəsilməsi üç gün davam edir. O baxımdan rəsmi bayram günlərində qurban kəsməyə fürsəti olmayanlar 18 iyunda da kəsə bilər. Nəzərə alaq ki, Qurtuluş Günü də əlavə olduğu üçün bizdə bayram tətili 5 gün – 15 iyundan 19 iyuna qədər – davam edəcək", – o vurğulayıb.