Binalara verilən su həmin MTK-nın anbarına verilir.
Ucnoqta.az xəbər verir ki, bunu Milli Məclisin Təbii ehtiyatlar, energetika və ekologiya və Aqrar siyasət komitələrinin birgə təşkilatçılığı ilə keçirilən “Ölkənin su təsərrüfatı: problemlər və yeni çağırışlar” mövzusunda dinləmədə Səhiyyə Nazirliyinin Respublika Gigiyena və Epidemiologiya Mərkəzinin Kommunal Gigiyena bölməsinin müdiri Eldar Abdullayev deyib.
O bildirib ki, anbar MTK-nın tabeliyindədir: “Həmin MTK sədrləri anbarların yuyulmasını təmin etmirlər. Standarta görə isə həmin anbarlar ildə 1 dəfə yuyulmalıdır. Amma bu, təmin edilmir. MTK-larda monitorinq aparılmasına çətinlik törədilir, ancaq şikayət olanda bizim qurum MTK-larda monitorinq həyata keçirir”.
Eldar Abdullayev təhsil müəssisələrinin anbarlarının yuyulması ilə bağlı problemə də toxunub: “Bunu Təhsil Nazirliyi təmin etməlidir”.