Qərb erməni əhalisinin taleyinə biganədir, lakin Rusiya üçün Ermənistanın çiçəklənməsi hər şeydən önəmlidir.
Ucnoqta.az xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova brifinqdə deyib.
"Ötən il bir çox ölkələr və dünyanın bir çox xalqları üçün asan olmadı. Ermənistan, bizim dost xalqımız üçün asan olmadı. Biz İrəvanı daha təhlükəli geosiyasi oyunlara sürükləmək üçün hər cür cəhdləri görürük. Biz Qərbin necə olduğunu görürük. Erməni əhalisinin, Ermənistan xalqının taleyinə tamamilə biganədir, onlar öz hisslərindən, tarixi yaddaşlarından, ağrı və iztirablarından yalnız öz maraqları naminə istifadə edirlər”, – deyə Zaxarova bildirib.
“Münasibətlərin müttəfiqlik xarakterini nəzərə alaraq, biz Ermənistanın sülhü, sabitliyi və rifahına hər cür töhfə verməyə hazırıq. Mən öz adımdan səmimi qəlbdən Ermənistan xalqına yeni ildə sülh, firavanlıq və mümkünsə, ötən ildə rastlaşdığımız problemlərdən az olmasını arzulayıram”, – diplomat əlavə edib.