1
Milad ərəfəsində Kolorado ştatının Kolorado-Sprinqs şəhərindəki Citadel Mall ticarət mərkəzində baş verən atışma nəticəsində azı bir nəfər ölüb, iki nəfər ağır yaralanıb.
Ucnoqta.az xəbər verir ki, bu barədə polis sözçüsü İra Kroninin bəyanatına istinadən NBC News məlumat yayıb.
Məlumata görə, bir kişi ölüb, daha üç zərərçəkən xəstəxanaya çatdırılıb: iki nəfər güllə yaralarından ağır vəziyyətdədir, bir qadın isə yüngül xəsarət alıb.
Polis insidentin iki qrupun davası ilə başladığını müəyyən edib. Hüquq-mühafizə orqanları bir neçə nəfəri saxlayıb və hazırda onların arasında atəş açan şəxsin olub-olmadığını müəyyənləşdirirlər.