Mingəçevirdə 1 kilometrə yaxın dəmir yolu relsi oğurlanıb

Mingəçevir şəhərində dəmir yolundan relsi oğurlayan şəxslər saxlanılıb.

Bu barədə Daxili İşlər Nazirliyindən məlumat verilib.

Məlumata görə, Nəqliyyatda Baş Polis İdarəsinin Dəmir Yolu Nəqliyyatında Polis İdarəsi əməkdaşlarının keçirdikləri tədbirlərlə dekabrın 10-da Mingəçevir şəhər dəmir yolu stansiyası ərazisindən 810 metr rels, rels yanlıqları, rels altlıqları və calaq boltlarını oğurlamaqda şübhəli bilinən Mingəçevir şəhər sakinləri T.Məmmədov, H.Məmmədov və Yevlax rayon sakini C.Mehdiyev saxlanılıblar.