Goranboyda qəza olub, xəsarət alanlar var

Goranboyda yol-nəqliyyat hadisəsi baş verib.

APA-nın məlumatına görə, hadisə rayonun Qızılhacılı qəsəbəsində qeydə alınıb.

Hərəkətdə olan "QAZel" markalı yük maşını ilə traktor toqquşub.

Qəza zamanı iki nəfər xəsarət alaraq xəstəxanaya yerləşdirilib. Onların vəziyyətinin kafi olduğu bildirilir.

Faktla bağlı araşdırma aparılır.