83 yaşlı məşhur aktyor dördüncü dəfə ata olub

Apreldə 83 yaşı tamam olan amerikalı aktyor Al Paçino ata olub.

Ucnoqta.az TASS-a istinadən xəbər verir ki, aktyorun nümayəndəsi Stan Rosenfield cümə günü TMZ-yə bildirib ki, ana onun 29 yaşlı sevgilisi Noor Alfalla olub.

"Mən təsdiq edirəm ki, Al Paçino və Noor Alfallanın Roman Paçino adlı oğlu var", – Rosenfield deyib.

Beləliklə, 83 yaşlı aktyor dördüncü dəfə ata olub.

Amerika mətbuatı may ayında aktyorun sevgilisinin hamilə olması ilə bağlı xəbərlər yayıb. Cütlük 2022-ci ilin aprelindən münasibətdədir. Aktyorun müxtəlif qadınlardan daha üç övladı var – Culiya Mariya (1989-cu il təvəllüdlü) və əkizləri Anton və Oliviya (2001-ci il təvəllüdlü).