İctimai fəal və keçmiş məhbus İlkin Rüstəmzadə Bəxtiyar Hacıyevi sərt tənqid edib.
“Qafqazinfo” xəbər verir ki, əvvəlcə B.Hacıyev haqqında feysbukda paylaşımlar edən İlkin Rüstəmzadə daha sonra canlı yayım edərək Bəxtiyar Hacıyevi “seksual manyak” adlandırıb və indiyədək onu müdafiə etdiyinə görə üzr istəyib:
“Bəxtiyarı küçə söyüşlərilə söyməmək üçün özümü zorla saxlayıram. Adam nə qədər əxlaqsız, ləyaqətsiz və dəyərsiz ola bilərmiş, İlahi. Ən əsası, belə bir adamı biz necə müdafiə etmişik? Bəxtiyarı müdafiə etdiyim, müdafiə etməyənləri qınadığım üçün hamınızdan üzr istəyirəm. Gələn dəfə kimisə müdafiə edəndə azı 10 dəfə düşünəcəm. Bəxtiyarı bundan sonra müdafiə edən hər kəs elə Bəxtiyarın tayıdır. Ya əxlaqsızdır, ya da kimdənsə “paket” alır”.
O, Bəxtiyar Hacıyevin ölüm ayağında olan şəxsin xanımına da seksual xarakterli təkliflər etdiyini iddia edib.
Xatırladaq ki, bir neçə gündür ki, teleqram sosial şəbəkəsində Bəxtiyar Hacıyevlə bağlı hesab yaradılıb. Orada B. Hacıyevin müxtəlif qadınlarla olduğu iddia edilən yazışma və görüntülər yerləşdirilib.