Şəki-Zaqatala Regional Təhsil İdarəsi elan edilmiş vakanr yerlərlə bağlı qeydiyyatdan keçmiş namizədlərə müraciət edib
Ucnoqta.az xəbər verir ki, Regional Təhsil İdarəsi laborant, kitabxanaçı, katibə-makinaçı, gənclərin çağırışaqədərki hazırlığı rəhbəri, təsərrüfat müdiri, təsərrüfat işləri üzrə direktor müavini, uşaq birliyi təşkilatı rəhbəri və psixoloq vəzifələri üzrə 21.02.2023-cü il tarxinədək qeydiyyatdan keçmiş namizədlərin yenidən qeydiyyatdan keçməsini tövsiyə edir.
Belə ki, əlavə vakansiyaların yaranmasını və müraciətlərin ixtisas və peşəyə uyğun şəkildə yönəlməsini təmin etmək məqsədi ilə qeydiyyat forması təkmilləşdirilmiş və əlavələrlə yenidən təqdim olunub:
Yeni qeydiyyat forması namizədələrə yaranmış vakansiyalardan yalnız birini seçmək imkanı verir.
Müsabiqədə iştirak etmək istəyən şəxslər yenilənmiş qeydiyyat formasına daxil olaraq vakansiyalarla tanış olduqdan sonra qeydiyyatını təsdiq edə bilər.
Psixoloq, kitabxana müdiri, təsərrüfat işləri üzrə direktor müavini, təsərrüfat müdiri vakansiyaları üzrə namizədlərin test imtahan mərhələsinə buraxılmasını müəyyən edən şərtlər:
1. Müvafiq ixtisas, iş stajı tələb edən vakansiyalar (kitabxana müdiri, təsərrüfat işləri üzrə direktor müavini, təsərrüfat müdiri) üzrə müsabiqədə iştirak edəcək namizədlər müvafiq sənədlərin (diplom və əmək kitabçasının) surətini qeydiyyatdan keçərkən yükləməlidir.
2. Psixoloq vakansiyası üzrə müraciət edən namizədlər müvafiq təsdiqedici sənədin -ümumi təhsil müəssisələrində psixoloq işləməsinə icazə verən diplomun surətini yükləməlidir.
Məlumat üçün bildirək ki, Oğuz rayonu üzrə sözügedən vəzifələr üzrə vakansiya yoxdur.
Qeyd edək ki, qeydiyyat üçün son tarix: 01.03.2023
Yeni qeydiyyat linki:
https://docs.google.com/forms/d/e/1FAIpQLSdP6-nEOze8UYqvplfJXhOULpTvRhMic_8JktsiXc6Y80Ux2w/viewform?fbclid=IwAR3g_YrzRFfbljAcEkHzGf-e7wKEYkVyVpQ8vgaEG-8S6XJiEw_ve9mbSow