03-04 noyabr tarixlərində Gənclər və İdman Nazirliyinin maliyə dəstəyi, Üfüq Gənclərin İnkişafı Naminə İctimai Birliyinin təşkilatçılığı ilə Lotfi Zadeh Texnologiya Mərkəzində, "Biznes və Karyeraya ilk addım" layihəsi icra edilib.
Tədbirdə çıxış edən layihə rəhbəri Həzrət Bədiyev iştirakçılara layihə haqda məlumat verib. O, qeyd edib ki, layihənin məqsədi biznes, startap, sahibkarlığa həvəs və marağı olan gənclərə sahibkarlıq fəaliyyəti haqqında məlumat və biliklərin verilməsi, həmçinin praktiki təcrübələrin əldə edilməsidir. Bu vasitə ilə də Azərbaycanda yeni bizneslərin yaradılmasına dəstək olmaqdır. Biznes və Karyera mövzusunda keçirilən təlimdə, təlimçi Orxan Şahbaz, “MARSOL MMC” – nin layihələr üzrə meneceri Murad İsayev və PR menecer Aida Ramiz iştirak ediblər.
Təlimin 1-ci hissəsində karyera quruculuğunun mərhələləri və xüsusilə də biznesdə əlaqələrin rolu mövzusuna toxunulub. Karyera inkişafında zəruri olan və əmək bazarının tələblərinə əsasən, ehtiyac olan və önəmli praktik bacarıqlardan bəhs edilib.
Təlimin 2-ci hissəsində ümumi biznes quruculuğunun elementləri, tələbatlı biznes sahələri və planlaması haqda danışılıb, xüsusi uğurlu modellər nümunələr əsasında qeyd olunub. Əlavə olaraq biznesdə piarın rolu və önəmi haqda danışılıb.
Təlimdə əlavə olaraq startapların mahiyyəti haqda da məlumat verilib. Təlim ümumilikdə interaktiv keçirilib və auditoriyanı maraqlandıran suallar cavablandırılıb.
layihənin əsas iştirakçıları sahibkarlıqla məşğul olmaq istəyən gənc bəylər və xanımlardır.