Sosial şəbəkələrdə Salyan rayon İcra Hakimiyyətinin binası önündə avtoxuliqanlıq edilməsi barədə məlumat paylaşılıb.
Paylaşımda bildirilir ki, Qida Təhlükəsizliyi Agentliyinin Salyan rayon şöbəsinin əməkdaşı, Sabir Rəhmanovun kiçik oğlu Salman Rəhmanov "Passat" markalı avtomobillə icra hakimiyyətinin qarşısına gələrək orada avtoluliqanlıq edib. Nəticədə insanların həyatına təhlükə yaranıb.
Daxili İşlər Nazirliyi mətbuat xidmətinin Şirvan regional qrupunun baş inspektoru, polis baş leytenantı Nizam Həmidov Lent.az-a bildirib ki, Salyan rayonu, Xələc kənd sakini Salman Rəhmanovu iyun ayının 6-da sərxoş vəziyyətdə avtomobil idarə etdiyinə görə rayon Polis Şöbəsi Dövlət Yol Polisi bölməsinin əməkdaşları saxlayıb:
“Sürücü barəsində İnzibati Xətalar Məcəlləsinin 329.3 və 333.1-ci maddələrinə əsasən protokol tərtib olunub və S.Rəhimov 400 manat miqdarında cərimə olunub”.