Prokuror insan alverində ittiham olunan qadınlara cəza istəyib

İnsan alverində təqsirləndirilən Aynur Fərruxova və Şirin Məmmədovanın cinayət işi üzrə məhkəmə istintaqı başa çatıb.

Bakı Ağır Cinayətlər Məhkəməsində keçirilən prosesdə dövlət ittihamçısı çıxış edib.

Prokuror təqsirləndirilən şəxslərin hər birinin 9 il azadlıqdan məhrum edilməsini istəyib.

Vəkillər müdafiə çıxışı üçün vaxt istədiyinə görə proses aprelin 15-ə kimi təxirə salınıb.

Xatırladaq ki, Aynur Fərruxova və Şirin Məmmədova hüquq-mühafizə orqanlarının keçirdiyi əməliyyatla həbs olunublar.

İttihama görə, hər iki şəxs ölkə hüdudlarından kənarda zərərçəkmişləri cinsi istismara məruz qoyublar.

Onlar barəsində Cinayət Məcəlləsinin 144-1.2.1-ci (İnsan alveri iki və daha çox şəxs barəsində törədildikdə) maddəsi ilə yekun ittiham verilib.