Türkiyənin xarici işlər naziri Mövlud Çavuşoğlu Rusiya prezidenti Vladimir Putin uyğun görərsə, onunla görüşməyə hazır olduğunu deyib. Bunu o, çərşənbə axşamı səfərdə olduğu Moskva şəhərində bildirib.
"Əgər Rusiya prezidenti Vladimir Putin münasib bilərsə, biz bu görüşə hazırıq", - deyə XİN rəhbəri bildirib.
O, həmçinin dekabrın 20-də Rusiya, Türkiyə və İranın xarici siyasət idarələri rəhbərləri arasında keçiriləcək Suriya üzrə görüşdən əvvəl rusiyalı həmkarı Sergey Lavrovla görüşəcəyini bəyan edib.
