Fələstinli yazıçı, şair və jurnalist Məhəmməd Hicazi Qəzza zolağının şimalında yerləşən Cəbəliyə qaçqın düşərgəsində İsrailin hava hücumu nəticəsində həlak olub.
Ucnoqta.az-ın məlumatına görə, Qətərin “Əl-Cəzirə” telekanalı xəbər verir ki, bununla da 2023-cü il oktyabrın 7-dən bəri İsrail-Fələstin münaqişəsində həlak olan mətbuat nümayəndələrinin ümumi sayı 220-yə çatıb.
Telekanal Qəzzanın Səhiyyə Nazirliyindən verilən açıqlamaya istinadən bildirib ki, Hicazi həftə sonu İsrailin mühasirədə olan ərazilərə hücumları nəticəsində həlak olan 90-a yaxın fələstinli arasındadır.