Piratlar Qvineya körfəzində Danimarkanın Monjasa şirkətinə məxsus tankeri ələ keçiriblər.
Ucnoqta.az xəbər verir ki, bu barədə okeanlarda gəmilərin hərəkətini izləyən Trade Winds portalı məlumat yayıb.
O qeyd edir ki, Liberiya bayraqlı tanker martın 25-də axşam saatlarında Konqo Respublikasının cənub sahilindəki Pointe-Noire limanından 260 km aralıda ələ keçirilib. Gəmidə dizel yanacağı var.
Öz növbəsində, gəminin sahibi olan şirkət çərşənbə axşamı bildirib ki, qaçırma zamanı tankerdə 16 ekipaj üzvü olub. Bütün dənizçilər qorunan əraziyə sığınmağa müvəffəq olublar, onlar təhlükəsizdirlər. Şirkət sahilyanı ölkələrin hakimiyyət orqanları, eləcə də maraqlı dövlətlərin donanmasının bir sıra gəmiləri ilə əlaqə saxladığını bildirib. Fransız gəmilərinin tankerin sürükləndiyi əraziyə doğru getdiyinə dair məlumatlar var.