Bərdədə piyadanın ölümü ilə nəticələnən yol qəzası olub.   Ucnoqta.az xəbər verir ki, Daxili İşlər Nazirliyinin mətbuat xidmətindən APA-ya verilən məlumata görə, mayın 18-də saat 22 radələrində Bərdə rayonunun Yenidaşkənd kəndi ərazisində kənd sakini Rizvan Şairov idarə etdiyi “QAZ-3110” markalı avtomobillə yolu keçən həmkəndlisi Xəlil Məmmədzadəni vurub. Nəticədə xəstəxanaya yerləşdirilmiş piyada  orada ölüb.   Bərdə RPŞ tərəfindən araşdırma aparılır.