Hizbullah şiə milislərinin döyüşçüləri Yuxarı və Qərbi Qalileydə yerləşən İsrail əsgərlərinin yeddi kazarmasına hücum ediblər.
Ucnoqta.az xəbər verir ki, bu barədə birləşmənin hərbi informasiya xidmətinin Telegram kanalında yerləşdirilən məlumatda deyilir.
Bildirilir ki, düşmən canlı qüvvə və texnika itkisinə məruz qalıb.
Metula şəhəri və ətrafına hücum zamanı iriçaplı “Burkan” raketlərindən istifadə olunub, nəticədə orada bir neçə yanğın qeydə alınıb və bu məskunlaşan əraziyə elektrik enerjisi verilişi dayandırılıb.
İsrail Hərbi Hava Qüvvələri buna cavab olaraq Hizbullahın Qərbi Bekaa bölgəsindəki Ayn Tin, Mahmudiyyə və Meydundakı arxa bazalarına hücum edib, həmçinin Cəbel Reyhan dağında şiə döyüşçülərinin böyük postunu vurub.
Cəmi bir gün ərzində Livanın cənub və şərq bölgələrində yerüstü hədəflərə 70-dən çox hava hücumu həyata keçirilib. Yerli hakimiyyət orqanlarının məlumatına görə, yaşayış binalarına və yardımçı tikililərə xeyli ziyan dəyib, bəzi sakinlər xəsarət alıb.
