Dağıstanda “Fight Nights” qrupunun döyüşçüsü, Həbib Nurməhəmmədovun atasının tələbəsi, 20 yaşlı Maqomedrasul Mutayev güllələnib.
Ucnoqta.az xarici mətbuata istinadən xəbər verir ki, hadisə Mahaçqalanın mərkəzində, Qaptsaxskaya küçəsində baş verib. Naməlum şəxs tapançadan 8 dəfə atəş açıb - güllələrdən biri Mutayevin başına dəyib. Uşaq təcili yardım maşınında dünyasını dəyişib.
Qətli törətməkdə şübhəli bilinən şəxsin 19 yaşlı Nadırxan Kadırxanov olduğu məlum olub. İddialara görə, Mutaev və dostları təxminən bir ay əvvəl Nadırxanı döyüb və hər cür təhqir edib.