Argentinalı ulduz futbolçu Lionel Messi Çempionlar Liqasında Madridin “Real” komandasına uduzduqdan sonra PSJ azarkeşlərinin onları fitə basması ilə bağlı danışıb.
Ucnoqta.az xəbər verir ki, argentinalı belə bir hadisə ilə ilk dəfədir qarşılaşdığını bildirib.
“Bu, mənim üçün yenilik, qeyri-adi, xoş olmayan bir vəziyyət idi. “Barselona”da mən bu kimi vəziyyətlə heç qarşılaşmadım, orada tam əksi idi.
İnsanların futbolçulardan narazılığı başa düşüləndir. PSJ ilə bağlı bu kimi hadisə ilk dəfə baş vermir. Bu komanda ilk dəfə deyil ki, Çempionlar Liqasından kənarda qalır.
Mənə, eləcə də Neymara qarşı fitə razı olub-olmamamdan asılı olmayaraq ən çox fit bizim payımıza düşdü. Olan oldu”. –Messi deyib.