İngiltərə Premyer Liqasında 2021/2022 mövsümünün qalibi məlum olub.
Ucnoqta.az xəbər verir ki, çempionluq uğrunda "Mançester Siti" və "Liverpul" mübarizə aparırddı. Pep Qvardiolanın baş məşqçisi olduğu komanda evdə “Aston Villa” ilə, Yurgen Kloppun çalışdırdığı “Liverpul” isə “Vulverhempton”u qəbul edib.
Bu gün keçirilən hər iki oyunda komandalar əzmkar qələbə qazanıb. "Mançester Siti" bu nəticə ilə çempionluğunu rəsmiləşdirib.
Xosep Qvardiolanın komandası 93 xalla 1-ci, "Liverpul" isə 92 xalla 2-ci olub. "Çelsi" 74 xalla mövsümün 3-cü yerdə tamamlayıb.
22 may
19:00. "Mançester Siti" - "Aston Villa" - 3:2
Qollar: Kaş, 37 (0:1), Koutinyo, 69 (0:2), Gündoğan, 76 (1:2), Rodri, 78 (2:2), Gündoğan, 81 (3:2)
19:00. "Liverpul" - "Vulverhempton" - 3:1
Qollar: Neto, 3 (0:1), Mane, 24 (1:1), Salah, 84 (2:1), Robertson, 89 (3:1)