Azərbaycan millisi növbəti oyununu keçirib. Apasport.az saytının məlumatına görə, Canni de Byazinin yetirmələri Malta ilə yoldaşlıq görüşündə qüvvəsini sınayıb.Bu, yığmamızın 2022-ci ildə ilk matçı olub. Qarşılaşma Ta Qalidəki Milli stadionda baş tutub. Uzun müddətdir qələbə qazana bilməyən millimiz 9 aylıq həsrətə nisbətən münasib olan rəqiblə qarşılaşmada son qoymağa çalışıb. Lakin yığmamız cırtdan ölkə təmsilçisinə də uduzub.İlk yarıda üstün oyun nümayiş etdirən meydan sahibləri yoldaşlıq oyununda da nəticə qazanmaq iddialarını ortaya qoyub. Fasilə ərəfəsində Malta yığmasının kapitanı Andrey Agius milli karyerasını alqışlar altında əvəzlənərək başa vurub. İkinci hissəyə millimiz fəal başlasa da, qolu maltalılar vurub. Yurgen Deqabriele fasilədən az sonra Səlahət Ağayevin qapısına yol tapıb. Aşağı templə keçən görüşdə qarşılıqlı hücumlar olsa da, komandalar hesabı dəyişə bilməyib. Oyunun sonlarında millimizin kapitanı da əvəzlənib. Lakin rəqibdən fərqli Maksim Medvedev zədələndiyi üçün oyunu davam etdirə bilməyib. Yığmamız isə ilə məğlubiyyətlə başlayıb – 0:1. Qeyd edək ki, millimiz martın 29-da Latviya ilə üz-üzə gələcək. Bu oyun da Ta Qalidə təşkil olunacaq.