Çempionlar Liqasının bu mövsümünün final matçında oynanılacaq top ictimaiyyətə təqdim olunub.
Apasport.az saytının məlumatına görə, UEFA İstanbulda keçiriləcək həlledici qarşılaşmanın topunu nümayiş etdirib.
Qitə futbol qurumunun “Adidas” şirkəti ilə birgə hazırladığı yeni top “starball” dizayndadır. Bu, Çempionlar Liqasının 20 illiyinə həsr olunmuş xüsusi dizayn sayılır. Topun üzərində turnirin 20 illik bütün dizaynları, final matçlarının keçirildiyi şəhərlər və tarixlər əks olunub.
Qeyd edək ki, Çempionlar Liqasında final görüşü mayın 29-da baş tutacaq.