İtalyan alimləri İtaliyada uzun illər Tunc dövrünə aid kəndin altında basdırılmış qədim hərbi istehkamlar sistemini aşkar ediblər.
Ucnoqta.az xəbər verir ki, alimlərin araşdırması ScienceDirect-də dərc olunub.
Villaggio dei Faraglioni kimi tanınan qədim yaşayış məskəni Siciliyanın Ustica yaxınlığındakı kiçik bir adada yerləşir. Alimlər qeyd edirdilər ki, kənd “nizamlı şəhər planı”na malikdir və daxmalardan və dar yollardan ibarətdir.
Tədqiqatçılar müasir texnologiyalardan, o cümlədən yerə nüfuz edən radardan və elektrik tomoqrafiyasından istifadə etməklə qədim istehkam divarının qalıqlarını aşkar ediblər. Tağvari daş istehkam sisteminin hündürlüyü 4-5 m, uzunluğu 250 m-dir.
Qədim kəndin yerində 1970-ci illərdən bəri dəfələrlə qazıntılar aparılsa da, ilk dəfə olaraq hərbi istehkamların qalıqları aşkar edilib.
Tədqiqatçıların fikrincə, kənd eramızdan əvvəl 1400-1200-cü illər arasında fəaliyyət göstərmişdir. Elm adamları onun dövrünün ən yaxşı qorunmuş Aralıq dənizi yaşayış məntəqələrindən biri olduğunu deyirlər.