Bərdədə həmyerlisini şantaj edərək pul tələb edən şəxs tutuldu

Bərdə rayonunda hədələməklə pul tələb edən şəxs tutulub.

Ucnoqta.az "Ölkə.Az"-a istinadən xəbər verir ki, Bərdə Rayon Polis Şöbəsinə müraciət edən Tərtər rayon sakini A.Abdullayev mayın 6-da həmyerlisi Teyyub Əliyevin onun barəsində rüsvayedici məlumatlar yayacağı ilə hədələyib 1500 manat pul tələb etməsini bildirib.

Müraciətlə əlaqədar keçirilən əməliyyat tədbirləri zamanı hədə-qorxu ilə tələb etməkdə şübhəli bilinən T.Əliyev polis əməkdaşları tərəfindən saxlanılıb. Onun A.Abdullayevdən aldığı 1000 manat pul maddi sübut kimi götürülüb.

Faktla bağlı araşdırma aparılır.