Azərbaycanda qəzaya düşən müğənni öldü

Xırdalanda müğənni qadın qəza törədərək ölüb

Bakı-Sumqayıt yolunda ölümlə nəticələnən avtoqəza baş verib. Ucnoqta.az ONA-ya istinadən xəbər verir ki, Quba rayon sakini Paşayeva Şəhla Nadir qızı “Kia” markalı avtomobillə paytaxtdan Abşeron rayonunun Masazır qəsəbəsi istiqamətində hərəkətdə olarkən idarəetməni itirib. Nəticədə avtomobil yol kənarındakı beton arakəsməyə və ağaca çırpılıb. Deformasiyaya uğramış avtomobildə ağır xəsarətlər alan Ş.Paşayeva yerində keçinib.

Hadisə yerinə Abşeron rayon Polis İdarəsinin əməkdaşları cəlb edilib. Müəyyən olunub ki, sürücü spirtli içkinin təsiri altında avtomobili idarə edirmiş.

Məlumata görə, Ş.Paşayeva müğənni kimi fəaliyyət göstərirmiş.