Dünən Abşeron rayonunda baş vermiş intihar hadisəsi ilə bağlı bəzi təfərrüatlar məlum olub. Ucnoqta.az xəbər verir ki, lent.az-ın əldə etdiyi məlumata görə, Saray bağları yaşayış massivində 1964-cü il təvəllüdlü Məmmədov Elşən Mahmud oğlunun özünü asaraq intihar etdiyi ev ona məxsus olmayıb.
Araşdırmalar zamanı məlum olub ki, E.Məmmədov taksi sürücüsüdür və həmin evdə yaşayan əlil kişiyə xidmət göstərirmiş. O, bir neçə gün imiş ki, ailəsinin yaşadığı evə getmirmiş və həmin əlil kişiyə məxsus ikimərtəbəli evdə qalırmış. Dünən isə sürücünün özünü birinci mərtəbədən asaraq həyatına son qoyduğu məlum olub.
İntiharın səbəbinə gəlincə, E.Məmmədovun bir müddət əvvəl kreditlə avtomobil aldığı və ödənişi vaxtında həyata keçirə bilmədiyi deyilir.
Araşdırmalar davam etdirilir.
———–
10:22
Abşeronda intihar hadisəsi baş verib. Rayon Prokurorluğundan verilən məlumata görə, hadisə Saray bağlarında qeydə alınıb. Orada yaşayan 1964-cü il təvəllüdlü Elşən Mahmud oğlu Məmmədov yaşadığı evdə özünü asıb. Onun özünə qəsd etməsinin səbəbləri hələlik məlum deyil. Faktla bağlı cinayət işi başlanıb, intiharın səbəbləri araşdırılır.