“Xəyal adası” müasir yaşayış kompleksində yerləşən Sabis Sun Beynəlxalq məktəbi gələcək şagirdlər və onların valideynləri üçün Açıq Qapı keçirib. Tədbirdə qonaqlara məktəb haqqında ətraflı məlumat verilib, məktəbin ərazisi və obyektləri görmək üçün şərait yaradılıb. Həmçinin qonaqlar işçi heyəti və məktəbin akademik proqramı ilə tanış olmaq imkanı əldə ediblər. Sabis SUN Beynəlxalq məktəbi mütəmadi olaraq bu cür layihələr reallışdıraraq insanların təhsil müəssisənin fəaliyyəti ilə tanış olması üçün şərait yaradır. Dünyanın 16 ölkəsində 70 mindən artıq şagirdin təhsil aldığı məktəblər şəbəkəsində dərslər 130 il ərzində təkmilləşdirilən proqram əsasında tədris edilir. “Sabis SUN” məktəblərinin məzunları yüksək nəticələr əldə edərək dünyanın və Avropanın aparıcı ali məktəblərində təhsillərini davam etdirə bilirlər. Qeyd edək ki, "Dreamland" ərazisində yerləşən SABIS SUN beynəlxalq məktəbi 67.000 m2 sahəni əhatə edir. Məktəbdə inzibati və xidmət binaları ilə yanaşı, məktəbəqədər təhsil müəssisəsi, ibtidai məktəb binası, açıq və qapalı idman meydançaları, aşağı və yuxarı siniflər üçün üzgüçülük hovuzları, olimpiya standartlarında futbol meydançası, eləcə də şagirdlərin dərsdən kənar səmərəli vaxt keçirmələrini təmin etmək üçün tamaşa zalı və Şagird Həyatı Təşkilatı fəaliyyət göstərir.