“SOCAR”dan oğurluq edən 4 nəfər tutulub

“SOCAR”a məxsus yeraltı qaz kəmərinin bir hissəsini kəsərək oğurlamaqda şübhəli bilinən 4 nəfər tutulub. Daxili İşlər Nazirliyinin saytında verilmiş məlumata görə, Qaradağ RPİ 11-ci PB əməkdaşlarının həyata keçirdikləri əməliyyat-axtarış tədbirləri nəticəsində iyulun 1-də və 15-də Səngəçal qəsəbəsi ərazisindən keçən yeraltı qaz kəmərinin ümumilikdə 1232 metrlik hissəsini kəsərək oğurlamaqda şübhəli bilinənlər – Bakı şəhər sakinləri Siyavuş Əliyev, Vüsal Atakişiyev, Elçin Məmmədov və Hacıqabul rayon sakini Taleh Günəşov tutulub.