Yaşıl infrastruktur şəhərin həddindən artıq isinməsinin azaldılması, çirkləndirici maddələrin udulması və həyat keyfiyyətinin yüksəldilməsində mühüm rol oynayır.
Ucnoqta.az xəbər verir ki, bu barədə Azərbaycanın ekologiya və təbii sərvətlər nazirinin müavini Umayra Tağıyeva Bakıda WUF13 çərçivəsində keçirilən tədbirdə bildirib.
O bildirib ki, Heydər Əliyev Fondunun vitse-prezidenti, IDEA İctimai Birliyinin təsisçisi Leyla Əliyevanın təşəbbüsü ilə Bakıda ağacların qeydiyyatı və nömrələnməsi üzrə irimiqyaslı layihələr həyata keçirilir.
Onun sözlərinə görə, layihələr nazirliklər, icra strukturları və bələdiyyələr tərəfindən birgə həyata keçirilir.
Qeyd olunur ki, bu cür uçot sistemi təkcə hər bir ağacın vəziyyətinə nəzarət etməyə deyil, həm də şəhər ərazisinin gələcək yaşıllaşdırılmasını səmərəli şəkildə planlaşdırmağa imkan verir.