ABŞ Kuba Parlamentinin sədrinə və iki nazirə qarşı sanksiyalar tətbiq edib

Vaşinqton administrasiyası sanksiya siyahısına iki nazir, Parlamentin sədri və Respublika Kəşfiyyat Agentliyi də daxil olmaqla bir neçə Kuba rəsmisini əlavə edib.

Ucnoqta.az xəbər verir ki, bu barədə ABŞ Maliyyə Nazirliyinin saytında dərc olunmuş açıqlamada bildirilib.

Sənədə əsasən, məhdudiyyətlər, xüsusən də aşağıdakı şəxslərə şamil ediləcək: Kuba Rabitə Naziri Mayira Arevic Marin; Energetika və Mədən Naziri Visente de la O Levi; Kuba Parlamentinin Prezidenti Esteban Lazo; və Kuba Kommunist Partiyası Mərkəzi Komitəsinin Siyasi Bürosunun üzvü və Kadrlar katibi Roberto Morales Ojeda.

Bundan əlavə, Kuba Daxili İşlər Nazirliyinin Kəşfiyyat İdarəsi də sanksiya siyahısına əlavə edilib.