“Qarabağ”dan daha bir futbolçu ayrılır

“Qarabağ” mövsümün sonunda bəzi futbolçularla yollarını ayıracaq.

Ucnoqta.az xəbər verir ki, Ağdam təmsilçisi U-21 yığmamızın da şərəfini qorumuş Amin Ramazanovla müqavilə müddətini yeniləməyəcək.

Belə ki, Azərbaycan çempionu mövsümün sonunda Ramazanovla yollarını ayıracaq. Zədə səbəbindən uzun müddət məşqlərdə də iştirak edə bilməyən Ramazanov hazırda əsas komandanın düşərgəsindədir.

“Lokomotiv”(Moskva) klubunun yetirməsi olan Aminin yeni mövsümə Azərbaycan komandalarından birində başlayacağı gözlənilir.