3
Ağcabədi rayonunda ölümlə nəticələnən bədbəxt hadisə baş verib.
Ucnoqta.az qafqazinfo-ya istinadən xəbər verir ki, "Azərişıq" ASC-nin Ağcabədi Elektrik Şəbəkə İdarəsində dispetçer işləyən Hindarx qəsəbə sakini Səlim İslam oğlu İsmayılovu cərəyan vurub.
Onu Hindarx qəsəbəsində elektrik dirəyində naqilləri təmir edərkən "tok" vurub. S.İsmayılov hadisə yerində ölüb.
Faktla bağlı Ağcabədi Rayon Prokurorluğunda araşdırma aparılır.
Xatırladaq ki, bir həftə əvvəl Salyan rayonunda da elektrik şəbəkəsinin işçisini "tok" vurmuşdu.