Putinin Türkiyəyə səfərinə hazırlıq davam edir –

Rusiya prezidenti Vladimir Putinin Türkiyəyə səfərinə hazırlıq davam edir.

Ucnoqta.az xəbər verir ki, bu barədə Rusiya prezidentinin mətbuat katibi Dmitri Peskov brifinqdə TASS-ın sualını cavablandırarkən deyib.

"Ümid edirik ki, səfər hazırlıq işləri başa çatdıqdan sonra baş tutacaq – hazırlıqlar çoxdan davam edir", – Kreml nümayəndəsi qeyd edib.

Rusiya liderinin mətbuat katibi Yaxın Şərq KİV-lərində Rusiya prezidentinin öz təyyarəsinin Rusiya Aerokosmik Qüvvələrinin təyyarələri tərəfindən müşayiət olunmasını tələb etməsi ilə bağlı xəbərləri şərh etməyib.
“Bir qayda olaraq, biz prezidentimizin səfərlərinin hazırlığının bütün təfərrüatlarını açıqlamırıq: onlar qapalı xarakter daşıyır”, – deyə Peskov vurğulayıb.