Sərnişinləri yolda qoyub gedən “BakuBus” sürücüsü işdən çıxarıldı

Sərnişinləri avtobusla yolda qoyub gedən sürücü işdən çıxarılıb.

Ucnoqta.az xəbər verir ki, bu barədə “BakuBus” MMC məlumat yayıb.

Qeyd edilib ki, ötən gün baş verən hadisə üzrə daxili araşdırma yekunlaşıb:

“Vəzifəsinin icrası zamanı yol verdiyi kobud pozuntular və bu pozuntuların sərnişinlər üçün doğurduğu mənfi nəticələr, eləcə də baş vermiş hadisənin “BakuBus”ın imicinə mənfi təsiri nəzərə alınaraq, Əmək qanunvericiliyinə uyğun olaraq, sürücü tutduğu vəzifəsindən azad edilib”.