Britaniyalı yalın əlləri ilə göydələnin 72-ci mərtəbəsinin fasadına qalxıb.
Ucnoqta.az xarici mətbuata istinadən xəbər verir ki, britaniyalı yalın əlləri ilə Seulda göydələnin fasadına qalxıb. Bundan sonra həmin şəxs yerli polis tərəfindən saxlanılıb.
Polisin verdiyi açıqlamada 20 yaşlı gəncin təxminən 310 metr hündürlüyə qalxdığı bildirilib. Onun yanında təhlükəsizlik kabelləri və ya digər ləvazimatları olmayıb. Britaniyalı yanında paraşütün olduğunu və o, göydələnin damından tullanmağı planlaşdırdığını bildirib.
Hadisə yerinə gələn 90 təcili yardım briqadası kişini binanın içərisinə apararaq təxliyyəsini təşkil edib. O, nəzarətə götürülüb və qalxma zamanı sağ dizindən xəsarət alıb. İndi göydələnin sahibi olan “Lotte Property & Development” şirkəti britaniyalıya hər hansı iddia irəli sürmək barədə qərar verməlidir.