Azərbaycanda, Bakı şəhərində yerləşən SABIS® SUN Beynəlxalq Məktəbinin (SABIS® SUN) 12-ci sinif şagirdi Batuhan Yeltekin Kolumbiya Universiteti və Pensilvaniya Universiteti kimi iki Ivy League universitetləri də daxil olmaqla dünyanın ən məşhur universitetlərindən qəbul məktubları alıb.
Batuhan 2015-ci ildə SABIS® SUN Beynəlxalq məktəbinə şagird kimi daxil olub.
Məktəbdə oxuduğu müddətdə o, yüksək akademik səviyyəni qorumaq, məktəbdə və beynəlxalq səviyyədə tanınmış standartlaşdırılmış imtahanlarda yüksək ballar qazanmaq üçün çox çalışmışdır. Bunun nəticəsində, Batuhan Amerika College Testində (ACT) maksimum 36 baldan 33, TOEFL iBT-də isə maksimum 120 baldan 112 bal toplayıb.
Batuhan həm də məktəbdə şagirdlər tərəfindən idarə olunan SABIS® Şagird Həyatı Təşkilatı icmasının (SLO) fəal üzvüdür. SLO-nun bir hissəsi olaraq o, müxtəlif kampaniyalar həyata keçirib, layihələrdə könüllü olub, müsabiqə və debatlarda ev sahibliyi etmək və iştirak etmək istiqamətində layihələr icra edib.
Batuhan çox çalışmasının və təhsil təcrübəsinə bağlılığının bir nəticəsi olaraq, dünyanın yüksək reytinqli universitetlərinə, xüsusilə Kolumbiya və Pensilvaniya Universitetlərinə qəbul olunaraq təltif edilib.
Batuhan, 60.000-dən çox müraciət arasında güclü namizəd kimi görünən 200-ə yaxın şagirdə qəbul olunduqlarını erkən bildirmək üçün Kolumbiya Universiteti tərəfindən göndərilən "Bəyənilmə Məktub"u alıb.
O, həmçinin sinifə qəbul edilən ən istedadlı şagirdlərdən biri kimi tanındığı üçün 2027-ci ilin John Jay Scholar (John Jay Akademik Titulu) tituluna layiq görülüb. Batuhan Azərbaycandan bu mükafatı alan ilk şagirddir.
Pensilvaniya Universiteti Batuhana qəbul məktubunu, həmçinin “University Scholar” (Universitet Akademik Titulu) proqramında iştirakı üçün namizədliyini göndərib. Bundan əlavə, ona “Benjamin Franklin Alimlər” Proqramına iştirak etmək üçün xüsusi dəvətnamə də verilib. Proqram, bakalavrları onların maraq dairələrinə əsasən intizam sərhədləri daxilində və kənarında yenilik, söhbət və əməkdaşlıq üçün mentorluq imkanları ilə təmin edir.
Batuhan yüksək savad və istedadı ilə Cənubi Kaliforniya Universiteti (USC), Toronto Universiteti (UOT), Britaniya Kolumbiyası Universiteti (UBC), Kaliforniya San Dieqo Universiteti (UCSD), İllinoys Universiteti Urbana-Champaign (UIUC) və Virciniya Texnologiya Universitetlərindən də qəbul qazanıb.
Gənc azərbaycanlı istedad SABIS® SUN-da keçirdiyi vaxtdan və məktəbinin ona təhsil səyahətində necə dəstək verdiyindən danışarkən qeyd etdi:
“SABIS® SUN-un təklif etdiyi güclü kurikulum və beynəlxalq təhsil üçün tələb olunan A-Level, AP®, SAT, ACT və TOEFL iBT kimi imtahanlara hazırlıq mənim uğurumu təmin etdi. Potensialımızın ən yüksək səviyyəsinə çatmaqda müəllimlərimizin verdiyi dəstək mənim, o cümlədən bütün sinif yoldaşlarımın uğurunda böyük rol oynadı.
Bununla belə, seçilmiş bu universitetlər vahid yanaşmadan istifadə edərək şagirdləri təkcə akademik nailiyyətlərinə görə deyil, həm də təhsil həyatı boyu məşğul olduqları əlavə fəaliyyətlərə görə qiymətləndirirlər. Məktəbimdə Şagird Həyatı Təşkilatı mənə bu əlavə fəaliyyətləri və layihələri həyata keçirmək üçün hər cür şərait yaratdı.
Batuhan, gələcəkdə böyük nailiyyətlər əldə edəcək, maraqlı düşüncə tərzi ilə həqiqətən qeyri-adi bir şəxsiyyətdir. Ondan planlarının nə olduğunu soruşduqda o, "Akademik məqsədim kompüter elmləri üzrə ixtisaslaşmaq və eyni zamanda iqtisadiyyat üzrə əsas biliklərə yiyələnməkdir. Təhsilimi süni intellekt sahəsində daha da artırmaq istəyirəm" söyləyib.
Batuhana təhsil yolunu davam etdirməkdə uğurlar arzulayırıq.
Batuhanla tam müsahibəyə baxmaq üçün keçid edin.
SABIS® SUN haqqında
SABIS® SUN Beynəlxalq Məktəbi (SABIS® SUN) heç bir ayrı-seçkiliyə yol verməyən, bir yerdə təhsil verən, tədris fəaliyyətini ingilis dilində həyata keçirən və uşaq bağçasından 12-ci sinfə qədər olan şagirdlərə xidmət göstərən müstəqil məktəbidir.
Beynəlxalq kurrikulumun həyata keçirilməsi üçün ingilis dilini əsas tədris dili kimi istifadə edən SABIS® SUN, şagirdlərə dəyişən dünyada uğur qazanmağa kömək etmək üçün hər tərəfli bilik və həyatı bacarıqları aşılayır.
Məktəb Azərbaycan Respublikasının Təhsil Nazirliyi tərəfindən lisenziyalaşdırılıb və Özəl Məktəblərin Milli Şurası, Beynəlxalq Təhsilin Qiymətləndirilməsi üzrə Kembric Assosiasiyası, Beynəlxalq Akkreditasiya (AI) və Orta Dövlətlər Assosiasiyasının İbtidai və Orta Məktəblər üzrə Komissiyası tərəfindən akkreditasiya olunub.
Məktəb haqqında ətraflı məlumat əldə etmək üçün sabissun.sabis.net saytına və aşağıda göstərilən facebook və instagram səhvələrinə daxil ola bilərsiniz:
https://www.facebook.com/sabissunbaku
https://www.instagram.com/sabissuninternational.school/
Qəbula yazılmaq üçün qeyd olunan nömrələrlə əlaqə saxlamağınız kifayətdir: +994 55 213 95 03, +994 55 212 20 28