Bu gün Ankarada Milli Təhlükəsizlik Şurasının 2023-cü ildə ilk iclası keçiriləcək və bu iclasda xüsusilə “taxıl dəhlizi”nin işi və Türkiyənin Rusiya-Ukrayna müharibəsində vasitəçilik təşəbbüsləri müzakirə olunacaq.
Ucnoqta.az Türkiyə prezident administrasiyasına istinadən xəbər verir ki, prezident sarayında keçiriləcək toplantıya prezident Rəcəb Tayyib Ərdoğan sədrlik edəcək.
Rusiya-Ukrayna müharibəsinin də müzakirə olunacağı görüşdə “taxıl dəhlizi, Türkiyənin sülh üçün səyləri, vasitəçilik və yardım, humanitar yardım və daimi atəşkəsə nail olmaq” mövzularının müzakirə ediləcəyi gözlənilir”, – deyə məlumatda bildirilir.
Gündəliyə həmçinin antiterror əməliyyatlarının aparılması, İsveç və Finlandiyanın NATO-ya üzv olmaq üçün müraciətləri ilə bağlı mövcud vəziyyət, Yunanıstanın silahlandırılması və s. ilə bağlı məsələlərə baxılması daxildir.
Emin