Elmi-Tədqiqat Travmatologiya və Ortopediya İnstitutuna direktor təyin olunub

Səhiyyə Nazirliyinin Elmi-Tədqiqat Travmatologiya və Ortopediya İnstitutuna (ETTOİ) direktor təyin edilib.

Səhiyyə Nazirliyindən Ucnoqta.az-a verilən xəbərə görə, səhiyyə naziri Teymur Musayevin müvafiq əmrinə əsasən Şahin Bəylər oğlu Əkbərov Elmi-Tədqiqat Travmatologiya və Ortopediya İnstitutunun direktor vəzifəsinə təyin olunub.

Səhiyyə nazirinin digər əmri ilə Kamil Elşad oğlu Eyvazov Elmi-Tədqiqat İnstitutunun direktorun müavini – baş həkim, Rüstəm Rəşidoviç Talışinski isə direktorun elmi işlər üzrə müavini vəzifəsinə təyin olunub.

Qeyd edək ki, ötən gün bir sıra saytlar Elmi-Tədqiqat Travmatologiya və Ortopediya İnstitutuna tibb üzrə fəlsəfə doktoru Fərhad Verdiyevin təyin olunduğunu tirajlayıb.