“Kəpəz” futbol klubunun baş məşqçisi Tərlan Əhmədov daha bir veteranı ehtiyat komandaya göndərib.
Belə ki, Rauf Əliyevin ardınca Əfran İsmayılov da ehtiyat komandaya göndərilib. Bununla bağlı 34 yaşlı yarımmüdafiəçi deyib:
“Bunun öz qaydaları var. O, məni kənara çəkə, vəziyyəti izah edə, mənim lazım olmadığımı, başqa futbolçu istədiyini deyə bilərdi. İlqar Nadiriyə böyük hörmətim var. Hər şeyi müzakirə etmək olardı. Amma Tərlan Əhmədov başqa cür etdi, tamam başqa şey dedi. Ona görə də susmayacağam və hər şeyi olduğu kimi deyəcəyəm. Kişi bir-birinin ardınca danışmaz, amma Əhmədov kişi kimi davranmır və bunu hamı bilir. Özünü apara bilmir, yersiz hərəkətlərə yol verir. Mən ona hər şeyi başa salıb, kimin kim olduğunu göstərəcəyəm. Baxmayaraq ki, bunu hamı artıq bilir. Toplantı zamanı gəlib hamının yanında dedi ki, səni əsas heyətdən çıxarıram. gedib rəhbərliklə danışım. Mən buna görə ona cavab verdim. Soruşdum ki, kimdir o, məni bu qaydada komandadan kənarlaşdırsın. Mənim müqaviləm var. Əsas komandada oynamaqdan uzaqlaşdırıla bilərsən, amma məşq edəcəm, maaş da alacağam. Onun heç kim olmadığını sübut edəcəyəm. Heç nəyi yox idi, “Kəpəz”ə çağırdılar, indi də özünü nalayiq aparır. Bütün bunları demək istəmirdim. Mən məşqçilərlə ilk dəfə işləmirəm, amma bu cür əvvəllər danışmışammı? Heç vaxt. Sadəcə, onun bu tonu, hamının yanında deyirlər ki, səni heyətdən çıxarmışam, istəyirsən get rəhbərliyə şikayət et. Bu fərqli münasibətdir. Peşəkar davransaydı, deməzdim. Amma o, futbolçu ilə məşqçi arasında adi ünsiyyət tərzini seçmədi və ona görə də məndən lazım olan cavabı aldı. Danışacağıq”, – İsmayılov bildirib.