Öskürəyə qarşı Hindistan istehsallı dərman və siroplar kəskin böyrək zədələnməsinə səbəb olur.
Ucnoqta.az xəbər verir ki, bu barədə Ümumdünya Səhiyyə Təşkilatının (ÜST) Baş direktoru Tedros Adhanom Gebreyesus Britaniyanın “The Guardian” nəşrinə müsahibəsində deyib.
"Bu dərmanlardan istifadə Afrikanın Qambiya bölgəsində 66 uşağın ölümü ilə nəticələnib. Həmin dərmanların təhlükəsizliyi və keyfiyyətinə dair indiyədək heç bir zəmanət verilməyib" – deyə ÜST rəhbəri qeyd edib.
Gebreyesus bununla yanaşı qeyd edib ki, həmin preparatlardan istifadə qarın ağrısı, baş ağrısı və psixi durumun dəyişməsinə səbəb ola, eləcə də ölümlə nəticələnə bilər.
Azərbaycan Tibb Universitetinin həkimi Aydın Əliyev bildirir ki, ölkəmizdə də anoloji problemlər yaşanır:
“Hələ də ölkəmizə Hindistanda da istehsal edilən müxtəlif dərmanlar gətirilməkdə davam edir. Ölkəyə gətirilən dərman preparatlarını laboratoriya şəraitdə yoxlamalı olan müvafiq qurumlar öz işlərinin öhdəsindən gəlmir. Türkiyədən alınan eyni adlı dərman xəstəyə yaxşı təsir edir, amma Hindistandan gətirilən anoloji dərman isə təsir etmir. Alman apteklərindən alınan dərmanlar da təsir edir, amma yerli apteklərdən alınan Hindistan mənşəli dərmanlar yenə də təsir etmir.
Bu da Hindistan istehsalı olan dərmanların keyfiyyətsiz olduğunun göstəricisidir. Prosesə nəzarət etməli qurumlar isə bu fonda işlərinin öhdəsindən gələ bilmir.
İnhisarçılığın olması prosesdə şəffaflığın əldə edilməsinə maneə olur. Hindistan istehsalı olan dərmanlar hələ də ölkəmizə çox sayda gətirilir. Elə dərmanlar var ki, dünyda qadağan olunsa da, Azərbaycanda satışda var. Sözügedən qurumlara ciddi nəzarət olsa, belə keyfiyyətsiz dərmanlar ölkəmizə ayaq aça bilməz”.///bizim.media