0
Ağdamda 54 yaşlı kişi arxda boğularaq ölüb.
APA-nın xəbərinə görə, hadisə rayonun Rzalar kəndində baş verib.
Kənd sakini Rzayev Əlyəddin İsa oğlu yaşadığı evin yaxınlığındakı əkin sahələrinin suvarılmasında istifadə olunan arxa yıxılıb.
Nəticədə köməksiz vəziyyətdə qalan Ə.Rzayev boğularaq ölüb.
Yaxınlarının verdiyi məlumata görə, o, fiziki məhdudiyyətli olub.
Faktla bağlı araşdırma aparılır.