Azərbaycanın 2 rayonunda yeni məktəb binaları tikiləcək

İsmayıllı rayonunun Basqal kəndində 2 mərtəbəli, 432 yerlik, Masallı rayonunun Qızılağac kəndində isə 3 mərtəbəli, 528 yerlik yeni məktəb binaları tikiləcək.

“Report” bu barədə Dövlət Şəhərsalma və Arxitektura Komitəsinə istinadən xəbər verir.

Məlumata görə, hər iki tikintinin sifarişçisi Təhsil Nazirliyidir. Onların tikintisinə isə İsmayıllı və Masallı Rayon İcra Hakimiyyətləri icazə verib.