BDU-da yeni fənn tədris olunacaq

Bakı Dövlət Universitetində (BDU) "Gender bərabərliyi və media azadlığı" fənninin tədrisi planlaşdırılır.

Bu barədə  ali təhsil müəssisəsinin Mətbuat xidmətindən məlumat verilib.

Bildirilib ki, Avropa Şurasının Bakıdakı Ofisinin rəhbəri səfir Zoltan Hernyes BDU-da olub. Rektor Elçin Babayev universitetin yeni inkişaf strategiyası, təhsil, tədqiqat, innovasiya və elmi biliklərin kommersiyalaşdırılması, sosial həyat və beynəlxalq əlaqələri və yaxın gələcək üçün planları barədə danışıb.

S.Z.Hernyes Avropa Şurasının "Azərbaycanda gender bərabərliyi və media azadlığı" layihəsi, bu istiqamətdə görülən işlər və jurnalistika ilə bağlı çap edilən vəsaitlər barədə məlumat verib.

Səfir layihə çərçivəsində hazırlanmış "Gender bərabərliyi və media azadlığı" kursu üzrə kurrikulumu rektora təqdim edib, proqramın hazırlanmasında Jurnalistika və Hüquq fakültələrinin müəllimlərinin iştirakına yaratdığı şəraitə görə minnətdarlığını bildirib. Bu kurs üzrə proqramın Avropa Şurası ölkələrində ilk dəfə olaraq həyata keçirildiyini vurğulayan səfir gələcəkdə bu təcrübədən digər ölkələrdə də istifadə olunacağını qeyd edib.

E.Babayev gender bərabərliyinin təşviqində medianın rolunun əvəzsiz olduğunu bildirib və bu istiqamətdə yeni düşüncə tərzinə malik jurnalistlərin yetişdirilməsinin əhəmiyyətini vurğulayıb.

Görüşdə "Gender bərabərliyi və media azadlığı" fənninin Junralistika fakültəsinin tədris planına salınması ilə bağlı fikir mübadiləsi aparılıb.

Görüşdə Avropa Şurasının "Gender bərabərliyi və media azadlığı" layhəsinin rəhbəri Pərvanə Bayramova və Jurnalistika fakültəsinin dekanı Vüqar Əliyev də iştirak edib./report

 

Tarix
17 İyul 2019 [18:43]
Müəllif
Üç nöqtə
Digər xəbərlər
2019-07-17 18:43:56
Xəbər xətti
Foto
Video
Çox oxunanlar
Sorğu
Qışa hazırsınız?
 bəli
 xeyr
KİV
Virtual Qarabağ

Ən son xəbərləri səhifəmizdən də izləyin