Milli Məclisin deputatı Zahid Oruc aprelin 11-də keçiriləcək prezident seçkilərinə namizədliyini irəli sürüb.
O, “Qafqazinfo”ya bildirib ki, sənədlərini bu gün MSK-ya təqdim edib.
Qeyd edək ki, Z. Oruc prezidentliyə iddialı ikinci deputatdır.
Xatırladaq ki, bu günə kimi prezident İlham Əliyev, KXCP sədri Mirmahmud Mirəlioğlu, Vətəndaş və İnkişaf Partiyasının sədri Əli Əliyev, Yeni AXCP-nin sədri Razi Nurullayev, Müasir Müsavat Partiyasının sədri Hafiz Hacıyev, Ağ Partiyanın sədri Tural Abbaslı, Milli Dirçəliş Hərəkatı Partiyasının sədri, deputat Fərəc Quliyev və Azərbaycan Liberal Demokrat Partiyasının lideri Fuad Əliyevin namizədliyi irəli sürülüb.