Fransanın altı şəhəri bu il Qətərdə keçiriləcək futbol üzrə dünya çempionatını boykot edəcəyini açıqlayıb.
"Report" "Ge.globo" nəşrinə istinadən xəbər verir ki, bunlar paytaxt Paris, Marsel, Lill, Strasburq, Reyms və Bordodur.
Həmin şəhərlərdə mundialın canlı oyunları və turnirlə bağlı digər tədbirlər təşkil olunmayacaq. Şəhərlərin rəhbərlikləri yarışın ev sahibi kimi Qətərin seçilməsinə etiraz olaraq bu addımı atıb.