Rusiyanın Orenburq əyalətində mikroavtobusun və yük maşınının iştirakı ilə ağır yol-nəqliyyat hadisəsi baş verib. Ucnoqta.az xəbər verir ki, insident bu gün səhər saatlarında Orenburq – Akbulak avtomagistralının 15-ci kilometrliyində qeydə alınıb.
Məlumata görə, hərəkətdə olan “Hundai” markalı mikroavtobus əks zolaqdan gələn TIR-la toqquşub. Zərbənin şiddətindən mikroavtobus deformasiyaya uğrayaraq metal yığınına dönüb.
Nəticədə 6 nəfər ölüb, daha 2 nəfər isə xəsarət alıb. Yaralılar təcili tibbi yardım maşınları ilə yaxınlıqdakı xəstəxanaya çatdırılıb.
Dünyasını dəyişənlərin Özbəkistan və Tacikistan vətəndaşları olduğu bildirilir.
Hüquq-mühafizə orqanları tərəfindən qəzanın baş vermə səbəbləri araşdırılır.
Namiq Musayev